மான்களை வேட்டையாடி ரிசார்ட்களில் விருந்து; அதிகாரிகளே ருசிக்கிறார்கள் கடமையை துறந்து!

”அதுவா… பிறப்பு, இறப்பை ஒரு வருஷத்துக்குள்ள பதிவு செய்யலைன்னா, ரெவின்யூ டிபார்ட்மென்ட்டுல அப்ளை பண்ணனும். அன்னுார் ஏரியாவுல தாலுகா ஆபீஸ் வரைக்கும் ஈஸியா ‘அப்ரூவல்’ கொடுக்குறாங்க. வடக்கு கோட்டாட்சியர் ஆபீசுக்கு பைல் வந்தா முடக்கி வச்சிடுறாங்க. வைட்டமின் ‘ப’ கொடுத்தா மட்டுமே சர்ட்டிபிகேட் தர்றாங்க. வைட்டமின் ‘ப’ கொடுக்க முடியாதவங்க, மாசக்கணக்குல அலையுறாங்க,”

”அப்படியா…” என்ற மித்ரா, ”நார்த் தாலுகா ஆபீசுல நடந்த ஒரு சம்பவம் தெரியும் சொல்லட்டுமா,” என்றவாறு, ”போன வாரம் ஜமாபந்தி நிகழ்ச்சி நடந்துச்சு. பத்திரிகை போட்டோகிராபர்கள் சிலருக்கு, தலா, 500 ரூபாய் வீதம், தாசில்தாரின் உதவியாளர் ‘கவனிச்சிருக்காரு’. அதை கேள்விபட்டதும், பத்திரிகையாளர்கள் பெயரில் நம்மூரில் உலா வரும் பலரும் தாலுகா ஆபீசுக்கு போயிருக்காங்க,”

”மொத்தம், 20 பேர் இருந்திருக்காங்க. எண்ணிக்கையை பார்த்து மிரண்ட தாசில்தார், தலைமையிட துணை தாசில்தாரை பாருங்கன்னு, கை காட்டிட்டுட்டு நழுவிட்டாரு. அவரோ, ஒருத்தருக்கு, 500 ரூபாய்ன்னா, 20 பேருக்கு, 10 ஆயிரம் ரூபாய்க்கு எங்கே போவேன்னு புலம்பி இருக்காரு. பத்திரிகையாளர்கள் போர்வையில் வந்தவங்க, அங்கேயே சுத்தி சுத்தி வந்திருக்காங்க. நில அளவையர்கள் உள்ளிட்ட சிலரிடம் இருந்த பணத்தை திரட்டி, கொடுத்து அனுப்பியிருக்காங்க… ” என்றாள்.

”விளங்கினாப்லதான்… கார்ப்பரேஷன்ல லேட்டஸ்டா ஒரு பிரச்னை ஓடுது. லோக்சபா எலக்சன் சமயத்துல வேலை பார்த்த, தேர்தல் பார்வையாளருக்கு உணவு செலவா, 12 லட்சம் ரூபாய் செலவு செஞ்சிருக்காங்க. கார்ப்பரேஷன் சென்ட்ரல் ஜோன்ல இருந்து கோப்பு போயிருக்கு; கார்ப்பரேஷன் நிதியில இருந்து அவ்ளோ தொகையை செலவிட்டிருக்காங்க.

கலெக்டர் ஆபீசுக்கு கடிதம் எழுதி, தேர்தல் ஆணையத்துல இருந்து தொகையை திரும்ப வாங்கணும். இவ்ளோ தொகையை செலவழிச்சதுக்கு, மாமன்ற கவுன்சில் கூட்டத்துக்கு தீர்மானம் கொண்டு வரணும். பொதுவெளியில் விமர்சனம் வரும்னு பயந்துக்கிட்டு, இதுவரைக்கும் அப்படி செய்யாம, மூடி மறைச்சிட்டு இருக்காங்களாம்…”

”குப்பை கிடங்கு பிரச்னையில, அந்த ஏரியா ‘பப்ளிக்’ கார்ப்பரேஷன் மேல, கடுங்கோபத்துல இருக்காங்களாமே…”

”அதுவா… இவ்ளோ நாளா… குப்பைய மட்டும் கொட்டிட்டு இருந்தாங்க. இப்போ, கோழிக்கழிவுகளையும் கொண்டு வந்து, குழி தோண்டி புதைக்கிறாங்க. நாத்தம் தாங்க முடியாம அவதிப்படுறாங்க. கார்ப்பரேஷன் குப்பை போதாதுன்னு, சோமையம்பாளையம் ஊராட்சியில இருந்தும் கொண்டு வர்றதுக்கு, ‘பிளான்’ போடுறாங்க.

அப்புறம்… குப்பையில மின்சாரம் தயாரிக்கிறதா சொல்லி, திருப்பூர் குப்பையையும் நம்மூருக்கு எடுத்துட்டு வரப் போறாங்களாம். அதனால, கார்ப்பரேஷன் ஆபீசர்ஸ் மேல கடுங்கோபத்துல ‘பப்ளிக்’ இருக்காங்க…” என்றபடி, போலீஸ் கமிஷனர் ஆபீஸ் அருகில், வண்டியை நிறுத்தினாள்.

கரன்சி பறிப்பு

”போலீஸ் கமிஷனர் ஆபீசுக்கு பக்கத்துல இருக்கற, ரெண்டு கடைகள்ல மட்டுமே புகார்களை ‘டைப்’ செஞ்சுட்டு வரணும்னு கட்டாயப்படுத்துறாங்களாமே… இதெல்லாம்… மேலதிகாரிகளுக்கு தெரியுமா…”

”அதுவா… ‘மை வி 3’ நிறுவன மோசடி, யு.டி.எஸ்., மோசடி சம்பந்தமா பொருளாதார குற்றப்பிரிவு போலீஸ்காரங்க விசாரிக்கிறாங்க. பணத்தை இழந்தவங்க லிஸ்ட்டுல, மதுரை, திருப்பூருன்னு வெவ்வேறு மாவட்டத்தை சேர்ந்தவங்களும் இருக்காங்க.

கேரளாவுல இருந்தும் கூட வர்றாங்க. கம்ப்ளைன்ட் ஒரே மாதிரி இருக்கணும்னு, போலீஸ் தரப்புல, ஒரு ‘பார்மட்’ ரெடி பண்ணியிருக்காங்க,”

”கம்ப்ளைன்ட் கொடுக்க வர்றவங்கள்ட்ட, கோபாலபுரத்துல இருக்கற ரெண்டு கடைகள்ல, ‘டைப்’ செஞ்சு, பிரிண்ட் எடுத்துட்டு வரச் சொல்றாங்க. அந்த கடைகள்ல ஒரு நாளைக்கு, 15 பேருக்கு தான் ‘டைப்’ பண்ணி, பிரிண்ட் தருவோம்னு கட்டுப்பாடு வச்சிருக்காங்க. வெளியூர்ல இருந்து வர்றவங்க ரொம்ப கஷ்டப்படுறாங்க. வெளிமாவட்டங்கள்ல இருந்து வர்றவங்க, ஹோட்டல்ல ரூம் எடுத்து தங்கி, மறுநாள் கம்ப்ளைன்ட் கொடுக்க வேண்டியிருக்கு,”

”இதுல, இன்னொரு பிரச்னை என்னான்னா… எவ்ளோ தொகை இழந்திருக்கோம்னு குறிப்பிடுறாங்களோ… அதுக்கேத்த மாதிரி, அந்த ரெண்டு கடையிலும் பணம் பறிக்கிறாங்க. கொஞ்ச தொகைன்னா… பிரிண்ட் எடுக்க, 800 ரூபாய் செலுத்தணும்; அதிக தொகைன்னா… பல ஆயிரத்தை தாண்டுது. கம்ப்ளைன்ட் கொடுக்கறதுக்கே பல ஆயிரத்தை செலவழிக்க வேண்டியிருக்குதாம்,”

”போலீஸ்காரங்க தயாரிச்ச ‘பார்மட்’ டை, கம்ப்ளைன்ட் பார்ட்டியிடம் கொடுத்தா, ஏதாச்சும் ஒரு கடையில ‘டைப்’ பண்ணி, ‘பிரிண்ட்’ எடுத்துட்டு வந்துருவாங்க; ஒரே நாள்ல அவுங்களுக்கும் வேலை முடிஞ்சிடும்னு சொன்னா, பொருளாதார குற்றப்பிரிவு போலீஸ்காரங்க கேட்கறதில்லையாம். அவுங்களுக்கும், கடைக்காரங்களுக்கும் ‘லிங்க்’ இருக்குமோன்னு சந்தேகப்படுறாங்க.

இதெல்லாம், போலீஸ் கமிஷனர் காதுக்கு இன்னும் போய் சேரலை போலிருக்கு. அவரோட ஆபீஸ் வளாகத்துக்குள்ள இருந்துக்கிட்டு, போலீஸ்காரங்க வேலைய காட்டிட்டு இருக்காங்கன்னு, கம்ப்ளைன்ட் பார்ட்டிகள் புலம்புறாங்க…” என்றபடி, கேன்டீனுக்குள் நுழைந்தாள் மித்ரா.

அவளை பின்தொடர்ந்து சென்றாள் சித்ரா.